İrandan Azərbaycana keçən 4 Əfqanıstan vətəndaşı tutulub. Onlar Astara rayonunun Armudlu kəndi ərazisindən Azərbaycana keçən zaman Dövlət Sərhəd Xidməti əməkdaşları tərəfindən saxlanılıblar.

Musavat.com xəbər verir ki, saxlanılan şəxslər bir müddət İrana gələrək orada tikintilərdə fəhləlik ediblər.

İfadələrində deyiblər ki, dolanışıqlarını təmin edə bilmədikləri üçün Azərbayana gəlməyi qərarlaşdırıblar.

Məhkəmə saxlanılan şəxslər barəsində 2 il həbs cəzası təyin edib. Cəzaları başa çatdıqdan sonra məcburi şəkildə ölkə sərhəddindən kənara çıxarılacaqlar.

İ.Muradov
Musavat.com