İran parlamentinin Milli Təhlükəsizlik və Xarici Siyasət Komitəsinin sədri İbrahim Azizi ABŞ-ın təhdidlərinə kəskin reaksiya verib.

Musavat.com xəbər verir ki,  o, İslam Respublikasının ərazisinə hər hansı bir xarici qüvvənin müdaxilə etməsinə icazə verilməyəcəyini bildirib.

"Əgər hansısa təcavüzkar müqəddəs İran torpağına ayaq basarsa, biz o ayağı kəsəcəyik. İslam İnqilabının prinsiplərinə əsasən, biz heç vaxt müharibənin təşəbbüskarı olmamışıq, amma təcavüzkarlara qarşı sərt və qətiyyətli mübarizə aparmağı öyrənmişik," – deyə Azizi İranın rəsmi "İrna" agentliyinə müsahibəsində vurğulayıb.

Bu bəyanat ABŞ və İran arasındakı gərginliyin daha da artdığını göstərir. Son zamanlar Vaşinqton və Tehran arasında qarşılıqlı ittihamlar və hərbi ritorika güclənib. Ekspertlər vəziyyətin yeni bir eskalasiya mərhələsinə keçə biləcəyini istisna etmir.

Musavat.com