“Taliban” nümayəndə heyəti ilk dəfə Bakıda keçiriləcək BMT-nin COP29 iqlim konfransında iştirak edəcək.

Musavat.com-un xəbərinə görə, Əfqanıstan Xarici İşlər Nazirliyinin mətbuat katibi Əbdül Qahar Balxi “Agence France-Presse” (AFP) agentliyinə verdiyi açıqlamada bildirib ki, Əfqanıstan hökumətinin nümayəndə heyəti Bakıda keçiriləcək BMT-nin İqlim Dəyişmələri üzrə Çərçivə Konvensiyasının 29-cu Tərəflər Konfransında (COP29) iştirak edəcək.

“Əfqanıstan hökumətinin (Taliban) nümayəndə heyəti Bakıda olacaq,” – deyə o qeyd edib.

Qeyd edək ki, gələn həftə başlayacaq konfransda BMT-nin İqlim Dəyişmələri üzrə Çərçivə Konvensiyasının Tərəflərindən təxminən 80 dövlət və hökumət başçısının iştirakı gözlənilir. Dünya liderlərinin burada iqlim maliyyələşdirilməsi məsələsi ilə bağlı mühüm qərarlar qəbul edəcəyi gözlənilir.

Musavat.com