HƏMAS-ın hərbi qanadı olan “İzzəddin əl-Qəssam” briqadaları Təl-Əvivə raket zərbələri endirib.

Musavat.com xarici KİV-ə istinadən xəbər verir ki, bu barədə qrup öz teleqram kanalında məlumat yayıb.

Qeyd olunub ki, raket zərbəsi İsrail Müdafiə Qüvvələrinin (IDF) Qəzza zolağına hücumuna cavabdır.

Bundan əvvəl HƏMAS Qəzza zolağında səhiyyə sisteminin tibbi avadanlıq, dərman, yanacaq və elektrik enerjisi çatışmazlığı səbəbindən dağıldığını bəyan edib.

Xatırladaq ki, oktyabrın 7-də İsrailə qarşı kütləvi raket zərbəsi endirilib. Radikal HƏMAS hərəkatı hücuma görə məsuliyyəti öz üzərinə götürüb. Buna cavab olaraq İsrail “Dəmir Qılınclar” əməliyyatına başlayıb.

Musavat.com