Gürcüstan Dövlət Təhlükəsizlik Xidmətinin (DTX) rəisi Qriqol Liluaşvili istefa verib.
Musavat.com TASS-a istinadən xəbər verir ki, bunu ölkənin baş naziri İrakli Kobaxidze brifinqdə bildirib.
Kobaxidze hazırkı ədliyyə naziri Anri Oxanaşvilini Dövlət Təhlükəsizlik Xidmətinin yeni rəhbəri vəzifəsinə irəli sürüb.
"Dövlət Təhlükəsizlik Xidmətinin rəhbəri vəzifəsinə cənab Anri Oxanaşvilinin namizədliyi Gürcüstan parlamentinə təqdim olunacaq", - Kobaxidze deyib.
Onun sözlərinə görə, Dövlət Təhlükəsizlik Xidmətinin rəhbəri Qriqol Liluaşvili səlahiyyət müddətinin başa çatmasına bir neçə ay qalmış vəzifəsini tərk edib.
“Sputnik Gürcüstan”ın məlumatına görə, Gürcüstanda Regional İnkişaf Nazirliyi yaradılacaq və bu quruma Dövlət Təhlükəsizlik Xidmətinin rəhbəri Qriqol Liluaşvili rəhbərlik edəcək. O, bu vəzifədə Ədliyyə Naziri Anri Oxanaşvilini əvəzləyəcək.
Yeni ədliyyə naziri isə hakim partiyanın deputatı Paata Saliya təyin ediləcək.
Musavat.com
