Gürcüstanın keçmiş prezidenti Salome Zurabişvili ölkədə yeni etiraz dalğasının başlayacağını elan edib.

Musavat.com xəbər verir ki, o, aprelin 1-də parlament binası qarşısında toplaşan müxalifət tərəfdarları qarşısında çıxış edərək hökumətə sərt mesajlar ünvanlayıb.

Zurabişvili çıxışında hökumətin son dövrlərdə vətəndaşların iradəsinə qarşı hərəkət etdiyini və bunun cəmiyyətin geniş kəsimlərində narazılıq yaratdığını bildirib. O, xalqın mübarizə əzmini yüksək qiymətləndirərək, etirazların davam edəcəyini vurğulayıb.

“Dünənki etiraz bizə ümid verir və göstərir ki, hökumət onu dağıtmağa müvəffəq ola bilmədi. Etiraz dalğası yaşayır və imkan yarandıqda daha da güclənəcək”, – deyə Zurabişvili bəyan edib.

Musavat.com