Gürcüstan Mərkəzi Seçki Komissiyasının ilkin məlumatları açıqlanıb.

Musavat.com xəbər verir ki, saat 20:00-a olan ilkin məlumatına görə, seçici fəallığı 58,94 % təşkil edib.

Səslərin 70,9 %-i işlənildikdən sonra “Gürcü Arzusu” 52,98 % səs toplayıb. “Gürcü arzusu”na 921 067 seçici səs verib.

Hakim partiya ölkə parlamentindəki 150 yerdən 90-a yaxınını aldığını iddia edir.

Parlamentə həmçinin 4 müxalifət partiyası da daxil olur:

”Dəyişiklik Koalisiyası” – 11,2 %, ”Vahidlik – Milli Hərəkat” – 9,8 %, ”Güclü Gürcüstan” – 9 %, ”Qaxariya – Gürcüstan naminə” – 8,2 %.

Gürcüstanın Mərkəzi Seçki Komissiyası parlament seçkilərini etibarlı hesab edib. Ölkənin Daxili İşlər Nazirliyi tərəfindən bəzi ərazilərdə qanun pozuntuları qeydə alınıb, araşdırma aparılır.

Musavat.com