Alimlər sentyabrın 3-də Günəşdə dörd güclü "M" sinifli partlayış qeydə alıblar.

Oxu.Az xəbər verir ki, bu barədə TASS-a Rusiyanın Tətbiqi Geofizika İnstitutundan məlumat verilib.

Gün ərzində ən güclü partlayış Moskva vaxtı ilə saat 19:02-də (Bakı vaxtı ilə 20:02 - red.) baş verib.

"Sentyabrın 3-də 3813 (S18E51) günəş ləkələri qrupunun rentgen diapazonunda 27 dəqiqə davam edən M3.4 partlayışı qeydə alınıb", - məlumatda deyilir.

Qeyd edilib ki, daha iki partlayış (M1.6 və M1.8) çərşənbə axşamı gecə və bir partlayış (M1.5) səhər qeydə alınıb.