Şəmkirdən Bakı istiqamətinə sərnişin daşıyan “Mercedes Vito” markalı mikroavtobus Göygöl rayonunda yük maşını ilə toqquşub.

Musavat.com “Report”a istinadən xəbər verir ki, hadisə nəticəsində 1981-ci il təvəllüdlü Şəmkir rayon sakini Duman Abdullayev ölüb.

Qəzada Şəmkir rayon sakinləri 1965-ci il təvəllüdlü X. İsayeva və 1985-ci il təvəllüdlü V. Babayev xəsarət alıblar.

Yaralılar xəstəxanaya çatdırılıb. Onların vəziyyətləri orta-ağır və ağır qiymətləndirilir.

Faktla bağlı araşdırma aparılır.