"Fitch Ratings" beynəlxalq reytinq agentliyi Avropa İttifaqının Rusiya Federasiyasına qarşı tətbiq etdiyi sanksiyalara uyğun olaraq bütün Rusiya təşkilatlarının və onların bölmələrinin reytinqlərini geri götürmək niyyətindədir.

Trend-in məlumatına görə, bu barədə Agentliyin press-relizində bildirilib.

2022-ci il martın 15-də Aİ ölkələri tərəfindən qəbul edilən dördüncü sanksiyalar paketinin bir hissəsi olaraq, Avropa agentliklərinə Rusiya Federasiyası və Rusiya şirkətlərinə reytinq vermək, habelə Rusiya müştərilərinə reytinq xidmətləri göstərmək qadağandır.

"Reytinqlər aprelin 15-dək - Aİ-nin təyin etdiyi son tarixə qədər geri götürüləcək", - deyə press-relizdə qeyd olunub.