Xəbər verdiyimiz kimi, Azərbaycan ilə Ermənistan arasında hərbçilərin qarşılıqlı surətdə azad edilməsi barədə razılıq əldə olunub.

Azərbaycan tərəfindən erməni əsilli 32 şəxsin, Ermənistan tərəfindən isə 2 Azərbaycan hərbçisinin azad edilməsi barədə razılıq əldə edilib.

Musavat.com xəbər verir ki, Ermənistan tərəfinin azad edəcəyi azərbaycanlı əsirlər Bəbirov Aqşinlə Axundov Hüseyndir. 

Hüseyn Axundovun anası Şəlalə Axundova Musavat.com-a açıqlamasında Prezident İlham Əliyevə minnətdarlığını bildirib. Çox sevincli olduğunu deyən Şəlalə Axundova həmçinin media nümayəndələrinə də təşəkkürünü bildirib. 

Aytən Novruz
Musavat.com