Bu gün Türkiyə-Ermənistan sərhədində iki ölkənin xüsusi nümayəndələrinin görüşü keçirilib.

Bu barədə məlumatı Ermənistan XİN təsdiqləyib. Məlumatda qeyd olunur ki, görüş Türkiyə-Ermənistan sərhədində münasibətlərin normallaşdırılması məqsədi ilə keçirilir.

Xatırladaq ki, iki ölkə arasında sərhəd 1993-cü ildən Ankaranın təşəbbüsü ilə bağlıdır.

Azərbaycanın mövqeyi bundan ibarətdir ki, Ermənistan-Türkiyə sərhədlərinin açılması məsələsi Azərbaycan və Ermənistan arasında sülh sazişi imzalandıqdan sonra olmalıdır. Əlbəttə ki, Türkiyə də Azərbaycanla qardaşlıq-dostluq münasibətlərini, Şuşa Bəyənnaməsini nəzərə alaraq addım atacaq.

Bəs indiki vəziyyətdə Türkiyə-Ermənistan sərhədinin açılması real görünürmü?

TV Musavat bu sualla Bakı sakinlərinə müraciət edib, onların rəyini öyrənib.

Hazırladığımız videosorğunu təqdim edirik:

Xalidə Gəray
Rafət Şahbazov
Musavat.com