Erməni politoloq, Ermənistan Silahlı Qüvvələri Baş Qərargahının keçmiş rəisinin müşaviri Vladimir Poqosyan “Noyan Tapan” yutub kanalında yayımlanan “Birbaşa mətn” verilişində Tacikistan və tacik xalqı haqqında təhqiramiz ifadələrə yol verib.

Musavat.com Caliber.az-a istinadən xəbər verir ki, bütün postsovet məkanının Rusiyadan uzaqlaşmasından danışan Poqosyan nədənsə Tacikistanı xatırlayıb.

“Orada hansı ölkələr qalıb? Bədbəxt Tacikistan və Qırğızıstan. Bunlar yarıac və yarıkasıb ölkələrdir. Tacikistan bu gün alçaldıcı siyasi vəziyyətdədir. Tacikistan prezidenti Emoməli Rəhmon Rusiya prezidenti Vladimir Putinin üzünə dedi ki, siz taciklərə ikinci dərəcəli vətəndaş kimi yanaşırsınız”, - Vladimir Poqosyan sözügedən verilişdə bildirib.

Musavat.com