“Qarabağ Universitetində mütləq erməni dili tədris olunmalıdır. 100 il öncə türk dili ermənilərin ikinci ana dili idi. Lakin vəziyyət dəyişib, Qarabağ məsələsi ilə əlaqədar erməni dilini öyrənməliyik”.

Bu fikirləri Musavat.com-a Bakı Dövlət Universitenin (BDU) erməni araşdırmaları və təlim mərkəzinin direktoru İsmayıl Tanrıverdi bildirib.

O, həmçinin, vurğulayıb ki, kadr məsələsində narahatlıq var: “Hazırda dövlət qurumlarında erməni dilini bilən kadrlara ehtiyac var. BDU-nun Tarix fakültəsində erməni dili dərsləri keçirilir, 50-ə yaxın tələbə bu dili öyrənir. Mənim yetişdirdiyim tələbələr isə lazımi yerlərdə çalışırlar”.

Nigar HƏSƏNLİ,
Musavat.com