Türkiyə prezidenti Rəcəb Tayyib Ərdoğan ABŞ-da keçirilən prezident seçkilərində qələbə qazanan Donald Trampı təbrik edib.

Musavat.com xəbər verir ki, bu barədə “Anadolu” məlumat yayıb.

"ABŞ-da keçirilən prezident seçkilərində güclü mübarizə nəticəsində yenidən prezident seçilən dostum Donald Trampı təbrik edirəm," – deyə Türkiyə liderinin "X" sosial şəbəkəsindəki hesabında yayımlanan açıqlamada bildirilib.

Dövlət başçısı ABŞ xalqının iradəsi ilə başlanan bu yeni dövrdə Türkiyə-ABŞ münasibətlərinin güclənəcəyinə və ilk növbədə Fələstin məsələsi və Rusiya-Ukrayna münaqişəsi olmaqla, regional və qlobal böhranlara və müharibələrə son qoyulacağına ümid etdiyini ifadə edib.

Türkiyə prezidenti həmçinin seçkilərin nəticələrinin ABŞ xalqına və bütövlükdə bəşəriyyətə faydalı olmasını diləyib.

Musavat.com