Hibridlər də daxil olmaqla qlobal elektrikli avtomobillər bazarı(o cümlədən plug-in hibridlər, PHEV-lər daxil olmaqla) 2024-cü ildə təxminən 22 faiz artacaq.

Musavat.com xəbər verir ki, bu proqnoz illik EY Qlobal Mobillik İstehlakçı İndeksi hesabatında əksini tapıb. Hesabata görə, 2025-ci ildə bazarda 23 faiz artım gözlənilir.

GlobalData-ya görə, 2023-cü ildə bu bazar 29,7 faiz, 2022-ci ildə 37 faiz artıb.

Hibridlər istisna olmaqla, dövriyyə 2023-cü ildə 32 faiz, 2022-ci ildə isə 65 faiz artıb. Bu ilin birinci yarısında 9,6 faiz, 2024-cü ilin sonuna 15 faiz, 2025-ci ilin sonuna isə 28 faiz artım proqnozlaşdırılır.

Həcm baxımından, tam elektrikli avtomobillərin (BEV) satışının 2022-ci ildəki 7,4 milyon ədəddən bu il 11,2 milyon ədədə çatacağı gözlənilir.

Elektrikli avtomobillərin alınmasına maraq yüksək olaraq qalır. Daxili yanma mühərrikli avtomobil deyil, BEV və ya hibrid almağı planlaşdıranların payı bir il əvvəl 55 faiz idisə, bu il 58 faiz təşkil edir.

Bununla belə, bir sıra amillər hələ də bəzi istehlakçıları elektrikli avtomobil almaqdan çəkindirir. EY-nin sorğusuna əsasən, respondentlərin 27 faizi ən çox enerji doldurma stansiyalarının olmamasından, 25 faizi məsafədən, 18 faizi isə uzun şarj müddətindən şikayətlənir. Son beş ildə ilk dəfə olaraq, sorğu potensial alıcıların 26 faizində batareyanın dəyişdirilməsinin dəyəri ilə bağlı narahatlıqları müəyyən etdi.

Elektrik avtomobilinin alınmasına təkan verən amillər arasında əsası yanacağın yüksək qiymətləri olaraq qalır - respondentlərin 37 faizi bunları vurğulayır. Ətraf mühit, öz növbəsində, artıq istehlakçılar üçün belə bir narahatlıq yaratmır. Bunu həvəsləndirici amil kimi göstərən nisbət 2021-ci ildəki 49 faizdən bu il 34 faizə düşüb.

Ümumilikdə, avtomobil almağı planlaşdıranların payı il ərzində 44 faizdən 51 faizə, o cümlədən Böyük Britaniyada 43 faizdən 56 faizə, Norveçdə 34 faizdən 50 faizə yüksəlib. Eyni zamanda Britaniyada elektromobil almaq istəyənlərin payı nəzərəçarpacaq dərəcədə az artıb – 54 faizdən 59 faizə qədər.

ABŞ-da bir il əvvəlki 60 faizə qarşı respondentlərin 50 faizi avtomobil almaq istəyir. O cümlədən elektrik avtomobili – 48 faizə qarşı 34 faiz.

Hesabata görə, Çin elektrik avtomobillərinin populyarlığı son illərdə, xüsusən də Çindən kənarda əhəmiyyətli dərəcədə artıb. Onların 2019-2023-cü illərdə Avropa elektrikli avtomobil bazarındakı payı 0,4 faizdən 8 faizə yüksəlib.

Avropalılar Çin brendlərinin cəlbediciliyinin əsas amili kimi qiymət və keyfiyyətin birləşməsini qeyd ediblər (respondentlərin 59 faizi).

EY sorğusu 2024-cü ilin iyun-iyul aylarında keçirilib və 28 ölkədən 19 min istehlakçını əhatə edib.

Musavat.com