Xəbər verdiyimiz kimi, Əməkdar artist Cavanşir Məmmədov bu gün 70 yaşında qəfil ürəktutmadan vəfat edib.

Müğənninin ölümü sənət aləmini sarsıdıb.

Sosial mediada Cavanşir Məmmədovun ölümü ilə bağlı səsləndirdiyi fikirlər yayılıb.

Sözügedən videoda müğənni həyat yoldaşının öz ölümündən sonra ölməsini arzulayır:

“Mən ölüm, yoldaşımın da ürəyi getsin? Deyiblər ki, ata oğulun çiynində gedər. Ta deməyiblər ki, ata arvadın çiynində gedər. Belə şey eşitmisiniz? Evin böyüyü rəhmətə gedəndə çox ağır olur. Demişəm ki, bizim ölümümüz arasındakı fərq 5-10 gün olsun. Çox olmasın. Yoldaşım deyir sənin nə arzun var, Allah yerinə yetirsin”.