Oktyabr ayında İstanbulda keçiriləcək SAHA EXPO-2024 sərgisində ilk dəfə TALAY pilotsuz uçuş aparatının təqdim olunacağı bildirilib.

Musavat.com xəbər verir ki, bu barədə “Anadolu” məlumat yayıb.

Qeyd olunub ki, dünyanın ilk alçaqdan uçan çoxməqsədli pilotsuz uçuş aparatı (PUA) düşmən gəmilərini və obyektləri vurmaq, dəniz üzərində sürətli manevr və müdaxilə etmək üçün nəzərdə tutulub. TALAY cəmi 30 santimetr yüksəklikdə uça bilməsi sayəsində dənizdə düşmən elementlərinə tez müdaxilə edə biləcək.

"Solid Aero" tərəfindən hazırlanan, sürəti saatda 200 kilometr olan PUA dəniz səviyyəsindən 150 metr hündürlüyə qədər qalxa və havada 3 saat qala bilir. Həmçinin, 30 kiloqram yük daşımaq qabiliyyətinə malikdir. 

Musavat.com