Rusiyanın mikroelektronika sənayesinin 2030-cu ilə qədər təxminən 50 min mütəxəssisə ehtiyacı olacaq.

Musavat.com Rusiya mətbuatına istinadən xəbər verir ki, bunu Sberbank-ın rəhbəri German Qref “Microelectronics 2024” forumunda deyib.

O bildirib ki, konsaltinq şirkətlərinin proqnozlarına görə, 2030-cu ilə qədər dünyada mikroelektronika sahəsində mütəxəssis qıtlığı yaranacaq: “Dünyada bu sahədə 1 milyon ixtisaslı işçinin çatışmazlığı yaranacaq. Rusiyada belə çatışmazlıq 50 min nəfərə çatacaq. İndi biz universitetlərimizdə təlim planları hazırlayırıq, lakin buna baxmayaraq, mikroelektronika sahəsindəki tələbatı tam qarşılamaq mümkün olmayacaq".

O qeyd edib ki, “Sber” öz növbəsində universitetlərlə əməkdaşlıq etməklə, tələbələrə praktiki təcrübə keçmək imkanları yaratmaqla, birgə ixtisaslaşdırılmış şöbələr yaratmaq və digər şərait yaratmaqla belə mütəxəssislərin hazırlanmasına yardım edir.

 

Musavat.com