Dünya ərzaq qiymətləri oktyabrda 18 ayın ən yüksək səviyyəsinə qalxıb.

Musavat.com xəbər verir ki, bu barədə Birləşmiş Millətlər Təşkilatının Ərzaq və Kənd Təsərrüfatı Təşkilatının (FAO) Ərzaq Qiymət İndeksi hesabatında məlumat açıqlanıb.

İndeksə əsasən, qiymət artımına bitki yağının qiymətində kəskin artım, eləcə də dənli bitkilərin qiymətlərində davam edən artım səbəb olub. Beləliklə, qlobal rzaq qiymətləri indeksi oktyabrda orta hesabla 127,4 bənd təşkil edib ki, bu da sentyabr ayına nisbətən 2 faiz və bir il əvvələ nisbətən 5,5 faiz bahalaşma deməkdir. Son 1,5 ildə ən sürətli artım sentyabr ayında qeydə alınıb. Bununla belə, indeks 2022-ci ilin martında çatdığı zirvədən 20,5 faiz aşağıdadır.

FAO-nun bitki yağı qiymətləri indeksi oktyabr ayında 7,3 faiz artaraq palma, soya, günəbaxan və kolza yağları üçün kotirovkaların artması ilə iki ilin ən yüksək səviyyəsinə çatıb. Bu qiymət artımları əsasən istehsalla bağlı narahatlıqlardan yaranıb.

Oktyabrda Taxıl Qiyməti İndeksi 0,9 faiz artıb Beləliklə, sentyabr ayında taxılın qiymətində 3 faiz bahalaşan artım tendensiyası davam edir. Buna buğda və qarğıdalı üçün ixrac qiymətlərinin artması səbəb olur. Bundan əlavə, buğdanın dünya qiymətlərinə Şimal yarımkürəsinin əsas ixracatçı ölkələrində əlverişsiz hava şəraiti və Qara dəniz regionunda gərginliyin artması təsir edib.
Qlobal qarğıdalı qiymətləri də qismən güclü daxili tələb və Braziliyada nəqliyyat problemləri sayəsində artıb.

Oktyabr ayında şəkər və süd məhsullarının qiymət indeksində də artım müşahidə olunub. Sentyabrda ətin qiymət indeksi bir qədər - 0,3 faiz azalıb.

Musavat.com