Dominikan Respublikasının şərqindəki La Altaqrasiya əyalətində 2 avtobusun toqquşması nəticəsində azı 9 nəfər həlak olub.

APA xəbər verir ki, bu barədə yerli "El Nacional" qəzeti məlumat yayıb.

Hadisədə daha beş nəfərin yaralandığı qeyd edilir. Onlara yaxınlıqdakı xəstəxanalarda tibbi yardım göstərilib. Zərərçəkənlərdən bəzilərinin vəziyyəti ağırdır. Polis hadisənin səbəblərini araşdırır.