Dekabr ayında Avropanın yeraltı anbarlarından (UGS) qaz götürülməsi keçən illə müqayisədə 8 faiz az olub və 2019-cu ildən bəri bu ay üçün minimum təşkil edib.

Musavat.com xəbər verir ki, “Gas Infrastructure Europe”nin məlumatına əsasən, Avropada qaz ehtiyatlarının səviyyəsi dekabrın sonunda 86,5 faizə düşüb.

Dekabrda Avropanın yeraltı anbarlarından cəmi 11,5 milyard kubmetr qaz götürülüb, onlara 1,77 milyard kubmetr vurulub.

Avropada isitmə mövsümü noyabrın 7-də (son payız-qış mövsümündən bir həftə tez) başlayıb və həmin andan etibarən Aİ ölkələri anbarlardan təxminən 17 milyard kubmetr qaz götürüblər.

Musavat.com