Türkiyənin Bursa şəhərində boşandığı arvadını tapança ilə öldürən şəxs daha sonra özünə atəş açaraq intihar edib.

Musavat.com xəbər verir ki, faktla bağlı istintaq hələ də davam edir.

Bir müddət əvvəl boşanan, lakin Bursada birlikdə yaşamağa davam edən M.D. və T.A. cütlüyü Hüzur mübahisə edib. Daha sonra mübahisə böyüyüb və davaya çevrilib. M.D. yanında olan silahla əvvəlcə boşandığı arvadını, sonra isə özünü güllələyib.

Silah səslərini eşidənlərin xəbəri üzərinə hadisə yerinə çoxlu sayda polis və təcili yardım çağırılıb.

Boşanan cütlüyün iki uşağı olduğu bildirilib. Onların cəsədləri Bursa Ədliyyə Tibb Qurumunun meyitxanasına aparılıb.

Hadisə ilə bağlı başladılan istintaq davam edir.

Musavat.com