"Dubayda əldə edilmiş konsensus bizə yol xəritəsi verib. Götürdüyümüz öhdəlikləri burada da reallaşdıracağıq. Hər kəsi birliyə çağırıram”.

Musavat.com xəbər verir ki, bu fikirləri Birləşmiş Ərəb Əmirliklərinin sənaye və qabaqcıl texnologiyalar naziri və COP28-in prezidenti Sultan Əl Cəbir Pre-COP tədbirində bildirib:

"Dubayda götürdüyümüz öhdəliklər üzərində işimizi quracağıq. Bir çox məsələ həll edilməmiş qalır. Maliyyə ən vacib məsələdir. Verdiyimiz sözlərin hamısı icra olunmalıdır. Karbon bazarları ilə bağlı araşdırmaların olması üçün çalışmalıyıq.
Mən COP28 zamanı xahiş etmişdim ki, fərqlilikləri aradan qaldırıb konsensus əldə edək. Gəlin bunu COP29-da bir daha edək. Biz bəşəriyyət və dayanıqlı gələcək naminə birləşməliyik”.

Nigar HƏSƏNLİ,
Musavat.com