Çinin Sincan Uyğur Muxtar Rayonunun paytaxtı Urumçi şəhərində yaşayış binasında baş verən yanğın nəticəsində 10 nəfər ölüb, 9 nəfər xəsarət alıb.
AZƏRTAC muxtar rayonun səlahiyyətli qurumlarının açıqlamasına istinadla xəbər verir ki, hadisə noyabrın 24-də axşam saatlarında Urumçinin Tyanşan rayonunda baş verib. Hadisə yerinə gələn yanğınsöndürənlər təxminən 3 saat sonra yanğını nəzarət altına ala biliblər. Bütün səylərə baxmayaraq 10 nəfərin həyatını xilas etmək mümkün olmayıb.
Xəsarət alanlar 9 nəfərin vəziyyəti kafidir.