Bu ilin yanvar-avqust aylarında Çinin xarici ölkələrə ümumi birbaşa investisiyaları (ODI) illik müqayisədə 12,4 faiz artaraq 94,09 milyard dollara çatıb.

Musavat.com xəbər verir ki, məlumatı ölkənin Ticarət Nazirliyi açıqlayıb.

Məlumata görə, Çinin nəhəng “Bir kəmər, Bir Yol” təşəbbüsü boyunca yerləşən ölkələrə investisiyaların həcmi 2,2 faiz artaraq 20,51 milyard dollara çatıb.

Sidneydə yerləşən “Climate Energy Finance” araşdırma qrupuna görə, Çinin 130 bərpa olunan enerji və nəqliyyatın elektrikləşdirilməsi layihəsinə investisiyası 2023-cü ilin əvvəlindən 109,2 milyard dollar təşkil edib.

“Financial Times” yazır ki, Çin əmlak və infrastruktur sərmayələrindən uzaqlaşaraq strateji yerdəyişmə zamanı yavaşlayan iqtisadi artımı dəstəkləmək üçün yeni nəsil və təmiz enerji texnologiyaları da daxil olmaqla, qabaqcıl istehsalı artırmağa çalışır.

2023-cü ilin sonunda ümumi Çin ODI həcmi 6 faiz artmışdı.

Musavat.com