Böyük Britaniyanın BP şirkəti 2030-cu ilə qədər neft və qaz hasilatını azaltmaq planlarından imtina edə bilər.

Musavat.com xəbər verir ki, bu barədə Reuters mənbələrə istinadən məlumat yayıb.

Məlumata əsasən, şirkət bərpa olunan enerji mənbələrində artımın xeyrinə neft və qaz hasilatını 40 faiz azaltmaq strategiyasından imtina edəcək. Qərar, səhmdarların enerji keçidindən daha çox qısamüddətli mənfəətə diqqət yetirmək istədikləri bir vaxtda verilir.

Məlumata görə, BP ənənəvi yanacaq istehsalını artırmaq üçün Yaxın Şərq və Latın Amerikasına yeni sərmayələr qoymağı düşünür. Şirkət 2025-ci ilin fevralında yenilənmiş strategiyanı təqdim edəcək.
Neft-qaz şirkətinin səhmdarlara məxsus xalis mənfəəti 2024-cü ilin birinci yarısında bir il əvvəlki 10,01 milyard dollarla müqayisədə 4,7 dəfə azalaraq 2,134 milyard dollar təşkil edib. BP-nin şirkətin maddələrə və əlaqədar vergilərə düzəlişlər etdikdən sonra hesabladığı əsas mənfəəti birinci yarımildə 27 faiz azalaraq 5,479 milyard dollara, ikinci rübdə isə illik müqayisədə bir qədər artaraq bir il əvvəlki 2,589 milyard dollardan 2,756 milyard dollara yüksəlib. Şirkətin ikinci rübdə gəliri bir il əvvəlki 69,5 milyard dollarla müqayisədə azalaraq 48,250 milyard dollar təşkil edib.

Musavat.com