Böyük Britaniya Ukraynaya "Storm Shadow" raketlərinin tədarükünü dayandırmaq qərarını ehtiyat çatışmazlığı ilə əlaqələndirə bilər.

Musavat.com xəbər verir ki, bu barədə "The Times" qəzeti müdafiə sahəsindəki mənbələrə istinadən xəbər verib.

Britaniya Müdafiə Nazirliyindən olan mənbələr bildirirlər ki, komandanlıq bu raketlərin tədarükünü ölkənin müdafiə üçün tələb olunan ehtiyatlarına zərər verməmək üçün dayandırmaq istəyir.

Digər mənbələrin fikrincə, əgər London "Storm Shadow" raketlərini Ukraynaya Rusiya ərazisindəki uzaq obyektlərə qarşı istifadəyə icazə vermədən ötürsə, onların effektiv istifadəsi mümkün olmayacaq.

Hazırda bu qərarla bağlı rəsmi açıqlama verilməsə də, vəziyyətin gələcəkdə dəqiqləşdiriləcəyi gözlənilir.