Moskva Vilayət Məhkəməsi drift zamanı insanları vuran avtobloger Hacı Hacıyevin həbs qərarını ləğv edərək onu ev dustaqlığına buraxıb.

Musavat.com-un xəbərinə görə, bu barədə REN TV-yə onun vəkili Dilan Rəcəvi məlumat verib.

"Moskva Vilayət Məhkəməsi müdafiə tərəfinin apellyasiya şikayətini təmin edərək, Odintsovo Şəhər Məhkəməsinin Hacıyevin həbs müddətini uzatmaq qərarını ləğv edib və onu ev dustaqlığına buraxıb", - deyə vəkil bildirib.

Xatırladaq ki, ötən il noyabrın Odintsovo Şəhər Məhkəməsi Hacıyevi həbs edib. O, bu qərardan apellyasiya şikayəti versə də, dekabrın 17-də Moskva Vilayət Məhkəməsi əvvəlki qərarı qüvvədə saxlayıb.

İstintaqın məlumatına görə, noyabrın 16-da federal avtomagistralın pullu hissəsində, Odintsovo yaxınlığında 26 yaşlı BMW sürücüsü idarəetməni itirərək yol kənarında dayanan insanları vurub. Hadisə nəticəsində 2 nəfər yaralanıb.

Məhkəmə iclasından əvvəl Hacıyev bildirib ki, zərərçəkənlərə yardım etməyə çalışıb və onları xəstəxanaya kimi müşayiət edib. Blogerin vəkili isə əlavə edib ki, Vilayət Hacıyev zərərçəkənlərin hesabına 50 min rubl məbləğində pul köçürüb.

Musavat.com