Atom Enerjisi üzrə Beynəlxalq Agentliyin (AEBA) baş direktoru Rafael Qrossi 2026-cı ildə Antonio Quterreş istefa verdikdən sonra BMT-nin baş katibi postuna namizədliyini irəli sürməyi planlaşdırır.

Musavat.com xəbər verir ki, bu barədə o, Argentina Beynəlxalq Əlaqələr Şurasının (CARI) iclasında danışıb.

Məlumatı “La Nacion” qəzeti yayıb.

Qrossi bildirib ki, bu məsələni çox ciddi şəkildə dəyərləndirir və gələcəkdə baş katib vəzifəsinə namizədliyini irəli sürməyi düşünür. Lakin, o, bu barədə hələlik dəqiq bir qərar vermədiyini və bu məsələnin üzərində çox düşünməyə davam etdiyini bildirib.

"Mən bu haqda düşünürəm və çox ciddi düşünürəm. Hələlik bunu deyə bilərəm", – deyə o qeyd edib.

Musavat.com