Bakıda intihara cəhd olub.

Musavat.com lent.az-a istinadən xəbər verir ki, hadisə Nərimanov rayonu A.Nemətulla küçəsində qeydə alınıb.

44 yaşlı İ.Əhmədov özünü öldürmək üçün qarnına bıçaqla xəsarət yetirib.

Məlumata görə, hadisəyə sevgi münasibətləri səbəb olub.

İ.Əhmədov bir xanımla qeyri-rəsmi ər-arvad münasibətində yaşayıb. Sevgilisinin ondan ayrılacağı ilə bağlı verdiyi qərar İ.Əhmədovu sarsıdıb. Məhz bu səbəbdən o, intihara cəhd edib.

Onu da qeyd edək ki, hadisəni törədən zaman İ.Əhmədov sərxoş olub.

Faktla bağlı araşdırma aparılır.