Bakıda qəza törədib hadisə yerindən qaçan sürücü cəzalandırılıb.

Məsələ ilə bağlı Oxu.Az-a Bakı Şəhər Baş Dövlət Yol Polisi İdarəsinin baş inspektoru Araz Əsgərli məlumat verib.

Onun sözlərinə görə, şəxs hadisə yerindən yayınıb və manevr qaydasını pozub:

“16.05.2003-cü il təvəllüdlü, Yasamal rayonu, 2-ci Alatava küçəsi, ev 20B ünvanında yaşayan Emil Rövşən oğlu Bayramzadə Azərbaycan Respublikasının İnzibati Xətalar Məcəlləsinin 327.1-ci və 327.6-cı maddələrində nəzərdə tutulmuş inzibati xətalar törədib. Hadisə ilə bağlı tədbir görülüb, sürücü barəsində protokol tərtib edilib”.