Bakıda avtomobilə quraşdırılan videoqeydiyyatçıya düşən kadrlar sosial şəbəkələrdə müzakirələrə yol açıb.

Milli.Az bildirir ki, kadrlarda orta yaşlı qadının Heydər Əliyev prospektini qadağan olunmuş yerdən keçməsi əks olunub. Sürət həddinin yüksək olduğu 3 zolaqlı yolu piyada səkisində gəzirmiş tərzdə keçən qadının vecsizliyi sosial şəbəkələrdə kəskin tənqid edilib.

Qeyd edək ki, son zamanlar ölümlə nəticələnən qəzaların sayı artmaqdadır. Bu qəzaların bir qismi məhz piyadaların yolu qadağan olunmuş yerlərdən keçməsi səbəbindən baş verir.