Son 2 gündə Avropanın yeraltı anbarlarından (UGS) götürülən qaz həcmləri onlara vurulandan çox olub.

Musavat.com Gas Infrastructure Europe-nin (GIE) statistikasına istinadən xəbər verir ki, oktyabrın 23-də Aİ ölkələrinin yeraltı qaz anbarlarına 51 milyon kubmetr qaz vurulub, onlardan 107 milyon kubmetr qaz götürülüb. Hazırda əksər Avropa ölkələrində anbarlara vurulan qaz götürüləndən azdır.

Hazırda Avropanın anbarları 95,26 faiz doludur (son beş il ərzində bu tarix üçün orta göstəricidən 2,95 faiz bəndi yüksək), onlarda 105,72 milyard kubmetr qaz var.

Oktyabrda Aİ-nin elektrik enerjisi istehsalında külək istehsalının payı 19 faizə yüksəlib. Avqust ayında terminallardan Avropa qaz nəqli sisteminə mayeləşdirilmiş təbii qazın ümumi daxilolmaları 2021-ci ilin oktyabrından bəri ən aşağı səviyyə olub, lakin sentyabr ayında yenidən artıb. Hazırda maye qazın yenidən qazlaşdırılması və onun Avropa boru kəmərlərinə vurulması gücü maksimumun 40 faizi ilə yüklənir. Sentyabrda Avropada qazın orta alış qiyməti 1 min kubmetr üçün 416 dollar təşkil edib, oktyabrda isə 452 dollara yaxındır.

 

Musavat.com