ABŞ-ın Massaçusets ştatının Blekstoun şəhərindən olan Tomas Ensko 20 ildir seçdiyi eyni nömrələr dəstindən istifadə edərək “Mega Millions” lotereyasında 1 milyon dollar qazanıb.

Həyat yoldaşı əvvəllər öz 1 milyon dollarlıq cekpotunu qazanıb. Tomas Ensko Massaçusets dövlət lotereya rəsmilərinə “Anderson's Variety” mağazasında “Mega Millions” bileti üçün seçdiyi nömrələrin ona çox tanış olduğunu söyləyib.

Amerikalı izah edib ki, o, 20 ildir eyni nömrələrdən istifadə edir, çünki onlar ad günü ilə bağlıdır. Tomas Enskonu lotereya qərargahında iyirmi ildən artıq bir müddət əvvəl 1 milyon dollar qazanan həyat yoldaşı müşayiət edib.

Qalib qeyd edib ki, mükafatını övladlarını və nəvələrini saxlamaq üçün istifadə etmək niyyətindədir. (lent.az)