Almaniya Baltik dənizindəki sualtı infrastrukturunun təhlükəsizliyini gücləndirmək üçün xüsusi təyinatlı qüvvələrini göndərməyi planlaşdırır.

Təhlükəsizlik tədbirlərinin artırılması, xüsusilə "Şimal axını" boru kəmərlərinin partlayışından sonra sualtı infrastruktura yönəlmiş diversiya risklərinin artması ilə bağlıdır.

Musavat.com xəbər verir ki, bu barədə Almaniya mətbuatı məlumat yayıb.

Məlumata görə, mühafizəni təmin etmək üçün Almaniyanın xüsusi təyinatlı dəniz əməliyyat bölməsi GSG-9 cəlb ediləcək.

Qərarın Almaniyanın daxili işlər naziri Nensi Fezer tərəfindən şəxsən verildiyi bildirilib. Xüsusi təyinatlılar Baltik dənizində yerləşən Noyştadt şəhərində yerləşdiriləcək.