Almaniyanın “Rheinmetall” müdafiə konserninin Ukraynada ilk zavodu artıq fəaliyyətə başlayıb və yaxın vaxtlarda daha biri işə salınacaq.

Musavat.com xəbər verir ki, məlumatı konsernin rəhbəri Armin Papperger açıqlayıb:

“İkinci zavod da artıq hazırdır”.

Onun sözlərinə görə, zavod hazırda piyadaların döyüş maşınlarına və tanklarına xidmət göstərir, lakin o, ilin sonuna kimi onun obyektlərində "Lynx" piyada döyüş maşınlarının yığılmasının mümkün olacağını gözləyir. "Rheinmetall" bu müəssisənin səhmlərinin 51 faizinə sahibdir.

O əlavə edib ki, konsern Ukraynada barıt zavodu və sursat istehsalı zavodu tikməyi də planlaşdırır və hava hücumundan müdafiə sistemlərinin istehsalına başlamağı gözləyir. Ümumilikdə, "Rheinmetall" Ukraynada dörd zavod tikir.

Musavat.com