Alman fermerlər müavinətlərin ləğvinə etirazlarını bərpa ediblər.
Musavat.com xarici mediaya istinadla xəbər verir ki, fermerlər Almaniyanın müxtəlif yerlərində bir neçə federal magistralda qovşaqları bağlayıblar.
Səhər tezdən fermerlər Meklenburq-Ön Pommern və Saksoniya federal əyalətlərində A4, A13, A14 və A17 avtobanlarını müxtəlif hissələrdə bağlayıblar. “Focus online”-ın məlumatına görə, ölkənin qərbində - Şimali Reyn-Vestfaliyada üç yük maşını A2 şossesini bağlayıb. Berlində 17 iyun küçəsi nəqliyyat vasitələri üçün əlçatmazdır; bu gün orada nümayiş planlaşdırılır. Fermerlər Brandenburq qapısına qədər 300 traktor sürməyi planlaşdırırlar. Etirazlar silsiləsi yanvarın 15-dək davam edəcək, həmin gün Berlində böyük mitinq keçiriləcək.
Musavat.com