Alimlər hər kəsə, xüsusən də hamilə qadınlara və yaşlılara xəbərdarlıq ediblər ki, marketlərdən məhsul alarkən diqqətli olsunlar.

Milli.Az xəbər verir ki, yaş və hamiləlik kimi faktorlar immunitet sisteminin azalmasına səbəb olduğundan Listeria bakteriyalarına yoluxma ehtimalını artırır.

Bundan əlavə, orqanizmin infeksiyaya qarşı mübarizə qabiliyyətini maneə törədən immuniteti bastıran dərmanlar da Listeria bakteriyalarının ötürülməsini asanlaşdıra bilər.

Qeyd edək ki, Texaslı gələcək hamilə qadın Aprel Bonham 37 həftəlik körpəsini Listeria bakteriyasına görə itirib. Həkimlər hesab edirlər ki, Bonham yemək vasitəsilə Listeria bakteriyasını qəbul edib və nəticədə körpə meningitdən ölüb.

Xüsusilə delikates məhsulları, qablaşdırılmış qidalar və suşi kimi qidalardan keçdiyi təsbit edilən Listeria, düzgün təmizlənməmiş səthlərdən də bədənə sıza bilər.

Xatırladaq ki, Listeria bakteriyası əsasən çiy və ya az bişmiş qidalarda rast gəlinir və soyuq mühitlərdə belə yaşaya bilir. Bu bakteriyanın inkişaf etdiyi qidalar arasında aşağıdakılar qeyd olunur:

Çiy süd və süd məhsulları: Pastörizə olunmamış süd və bu süddən hazırlanmış pendirlər (məsələn, brie, camembert, feta).

Soyuq saxlanılan və ya hazır yeməklər:

Dilimlənmiş və ya qablaşdırılmış kolbasalar.

Soyuq ət məhsulları (hot dog, delikates ətlər).

Hazır salatlar (xüsusilə kartof və ya tərəvəz salatları).

Dəniz məhsulları:

Çiy və ya hisə verilmiş balıq (məsələn, hisə verilmiş qızılbalıq - "smoked salmon").

Çiy qabıqlı dəniz məhsulları.

Təzə tərəvəz və meyvələr: Xüsusilə yaxşı yuyulmamış məhsullarda, məsələn, kahı, kərəviz və qovun.

Qaynadılmamış və ya az bişmiş qidalar: Listeria az bişmiş qidalarda sağ qala bilər.

Dondurulmuş məhsullar: Bəzi hallarda, dondurulmuş tərəvəzlər və digər məhsullar da bakteriyanın mənbəyi ola bilər.