Rusiyaya qarşı Avropa İttifaqının ticarət məhdudiyyətləri və kənd təsərrüfatı məhsullarına rüsumları əhatə edəcək növbəti sanksiya paketinin 2025-ci ildə qəbul edilməsi gözlənilir.

“Report” xəbər verir ki, bu barədə “Bloomberg” agentliyi məlumat yayıb.

“Aİ həmçinin gələn ilin əvvəlində – 24 fevral simvolik tarixinədək qəbul etməyi ümid etdiyi daha böyük sanksiya paketi üzərində işləyir”, – məlumatda qeyd olunub.

Bildirilib ki, bu paketə ticarətə dair əlavə məhdudiyyətlər, həmçinin Rusiya kənd təsərrüfatı məhsullarına rüsumlar daxil ola bilər.