Avropa İttifaqı, o cümlədən ABŞ, Böyük Britaniya və digər yeddi ölkə (Andorra, Gürcüstan, İslandiya, Norveç, Moldova, San Marino və İsrail) Avropa Şurasının (AŞ) Süni intellekt üzrə çərçivə konvensiyasını imzalayıb.

Musavat.com xəəbr verir ki AŞ saytının məlumatına görə, bu, süni intellektdən istifadəyə dair hüquqi qüvvəyə malik ilk beynəlxalq müqavilədir.

Süni intellekt sistemlərindən istifadəni “insan hüquqlarına, demokratiya prinsiplərinə və qanunun aliliyinə tam uyğunlaşdırmaq məqsədi daşıyan sənəd Vilnüsdə AŞ ədliyyə nazirlərinin konfransı zamanı imzalanmaq üçün açılıb. Razılaşmanın "süni intellektdə tərəqqi və innovasiyaya kömək edəcəyi", eyni zamanda süni intellektin yaratdığı "riskləri idarə etməyə" kömək edəcəyi deyilir.

AŞ-nin baş katibi Mariya Pejçinoviç-Buriçin izah etdiyi kimi, süni intellektin inkişafı “standartlara uyğun olmalıdır və onları pozmamalıdır” ki, bu da konvensiyanın məqsədidir.

Çərçivə konvensiyası Avropa Şurasının 46 üzv ölkəsi və üzv olmayan 11 dövlətin (Argentina, Avstraliya, Vatikan, İsrail, Kanada, Kosta Rika, Meksika, Peru, ABŞ, Uruqvay və Yaponiya) əməkdaşlığı ilə hazırlanıb. Sənəd həm dövlət, həm də özəl şirkətlər tərəfindən süni intellektdən istifadəni tənzimləyir və tərəfləri bu cür texnologiyalardan istifadə edərkən insan hüquqları standartlarına uyğunluğu yoxlamağı və ya bu tələb yerinə yetirilmədikdə onların istifadəsinə qadağa qoymağı öhdəsinə götürür. Müqavilə həmçinin AI sistemlərinin demokratik institutları və prosesləri, o cümlədən hakimiyyət bölgüsü, məhkəmə müstəqilliyi və ədalət mühakiməsinə çıxış prinsiplərini pozmaq üçün istifadə edilməməsi üçün tədbirləri əhatə edir.

Musavat.com