“Həmişə Bakı barədə soruşurdu, Azərbaycana gəlməyə çox böyük marağı var idi”.

Bu sözləri Türkiyədə yaşayan azərbaycanlı aktrisa Məlahət Abbasova qardaş ölkənin məşhur aktyoru Can Gürzapın vəfatından kədərlənərək yazıb.

Sənətçi bu itkidən sarsıldığını bildirib:

“Can qardaşım… Bu xəbəri eşidəndən bəri şokdayam. Çox üzüldüm. Neçə serialda bərabər oynadıq. Hər sözün qulaqlarımda səslənir.

Bakıdakı proqramıma qatılmaq istəyirdi, həmişə Bakı barədə soruşurdu, Azərbaycana gəlməyə çox böyük marağı var idi. Amma iş qrafiki buna imkan vermədi. Türk teatrı və kinosu üçün çox böyük itki oldu”.

Qeyd edək ki, “Eşkiya dünyaya hükümdar olmaz”, “Medcezir”, “Kurtlar Vadisi”, “İffet” kimi məşhur seriallarda rol alan məşhur 79 yaşlı sənətçi uzun sürən xəstəlikdən sonra dünyasını dəyişib. (referans.az)