Ağ Ev cinsi kimliyini anadan doğulduğu bioloji cinsindən fərqləndirən əvəzliklər vasitəsilə göstərən jurnalistlərin sorğularına cavab verməyəcək.

Musavat.com xəbər verir ki, bu, Ağ Evin mətbuat katibi Karolin Levittin “The Washington Post”a (WP) açıqlamasında yer alıb.

Söhbət müəyyən istək və mesajların müəlliflərinin onlarda və ya profillərində onlara müraciət edilməli olan istənilən əvəzliyi göstərdiyi vəziyyətlərdən gedir. Belə ki, transgenderlər müəyyən etdikləri şəxsiyyətdən asılı olaraq üstünlük verdikləri əvəzlikləri hər iki cins üçün “o” kimi göstərir, kişi və qadın arasındakı ümumi bölgüyə uyğun gəlmədiyini hiss edən qeyri-binar fərdlər isə çox vaxt “onlar” kimi müraciət olunmasını tələb edirlər. Bu təcrübə Co Baydenin prezidentliyi dövründə xüsusilə geniş yayılıb.

"Təsvirində üstünlük verdiyi əvəzliklərdən istifadə etməyi seçən hər hansı bir müxbir bioloji reallığı və həqiqəti qəbul etmədiyini göstərir. Ona görə də onlara dürüst hekayələr yazmaq üçün etibar etmək olmaz", - Karolina Levitt qeyd edib.

WP yazır ki, bu qərar Donald Tramp administrasiyasının yalnız iki rəsmi şəkildə tanınan cins siyasətinin qurulması və cinslərin dəyişdirilməsinin mümkünsüzlüyü uğrunda mübarizədə yeni addımdır. Qəzetin soprğu etdiyi nəşrlər Ağ Evin cinsiyyət əvəzliklərini təqdim edən jurnalistlərin suallarını cavablandırmadığını təsdiqləyiblər.

Musavat.com