Bir çoxlarının həyəcanla gözlədiyi “Survivor” yarışmasının yeni mövsümündə “Tv8” kanalının rəhbəri Acun Ilıcalının olmayacağı iddia olunur. Deyilənlərə görə, Ilıcalı keçən il sahibləndiyi ingilis futbol klubu olan “Hull City”yə kifayət qədər vaxt ayıra bilmədiyinə görə “Survivor”u tərk edib.

Musavat.com Türkiyə mediasına istinadən xəbər verir ki, tanınmış aparıcının yeni mövsümdə bütün diqqətini futbol klubuna yönəltmək istədiyi iddia olunur. Gərgin iş qrafikində işləyən aparıcı bu dəfə “Survivor” yarışmasının yer aldığı Dominik Respublikasında olmayacağını bildirilib.

Yarışmanın yeni sezonunda kimin aparıcılıq edəcəyi artıq bir çoxlarının maraq dairəsindədir.

Toğrul İSMAYIL,
Musavat.com