Limon, güclü C vitamini mənbəyi olaraq tanınır və limon istehlakı bədənə enerji verir. Metabolizmanın sürətlənməsinə də kömək edən limonlu suyu hər gün qəbul etdikdə bədəninizdə nə baş verir?

Musavat.com xarici elmi mənbələrə istinadən bu sual ətrafında hazırlanan yazını təqdim edir.

Gündəlik həyatda ən çox istehlak edilən qidalardan biri olan limon, tərkibindəki C vitamini ilə bədən üçün bir çox fayda təmin edir.

Portağal, mandarin və digər sitrus meyvələri kimi daim yeyilməsə də, müsbət təsirləri ilə seçilir. İmmunitet sisteminin güclənməsinə kömək edən limon, dəri və saç sağlamlığını dəstəkləyici xüsusiyyəti ilə də tanınır.

Bəs, hər səhər limonlu su içəndə bədəninizdə nə baş verir?

Limonun su ilə qarışdırılmasından əldə edilən limon suyu, güclü bir antioksidant mənbəyidir. Təzə sıxılmış bir limon suyu, gündəlik C vitamini dəyərinin təxminən 21%-ni təmin edir. Dəmirin mənimsənilməsində mühüm rol oynayaraq anemiyaya yaxşı təsir göstərir. Bununla yanaşı, portağal, qreypfrut kimi qidalarda olan flavonoidlər ehtiva edir. Bu da xəstəliklərlə mübarizəni asanlaşdırır.

İmmunitet sistemini gücləndirən, həzm sağlamlığını tənzimləyən limonlu su, kollagen istehsalının artmasına da kömək edir. Həzm problemlərini həll edir və qəbizlik problemini aradan qaldırır.

Hər səhər limonlu su içmək, böyrək daşının yaranmasının qarşısını alır. Bədəndə toksinlərin atılmasına kömək edir. Qan təzyiqini aşağı salır, ürək sağlamlığını qorumağa yardım edir.

Güclü immunitet

C vitamini bədənə kifayət qədər alınmadıqda immunitet sistemi mənfi təsirə məruz qalır. Gündəlik olaraq qəbul edilən limonlu su, immunitet sistemini gücləndirərək soyuqdəymə kimi xəstəliklərə qarşı qoruyur və xəstəliklərə tutulmağı əngəlləyir. Yaraların sağalmasına və bədənin qidalardan dəmiri mənimsəməsinə kömək edir.

Acqarına limonlu su içəndə nə baş verir?

Arıqlamaq və immunitetini gücləndirmək istəyənlər günə aç qarına limonlu su içərək başlayır. Limonlu su bədəndə yığılan toksinləri atır və şişkinliyin yaranmasının qarşısını alır. Metabolizmanı sürətləndirici təsiri ilə yağ yandırılmasını dəstəkləyir. Aç qarına limonlu su içərək həzm sisteminin nizamlı işləməsini təmin edə bilərsiniz.

Limonlu su içməyin bədənə bir çox faydası var. Limon tərkibindəki C vitamini ilə immunitet sisteminin güclənməsinə kömək edir. Hər səhər limonlu su içərək bədəninizi xəstəliklərdən qoruya bilərsiniz.

Aç qarına içilən limonlu su bağırsaq hərəkətlərini tənzimləyir. Həzm sistemini işlədir və qəbizlik problemini aradan qaldırır. Həmçinin bədəndə yığılan ödem və toksinləri də atır.

Limonlu su, metabolizmanı sürətləndirərək yağ yandırılmasını dəstəkləyir. Tək başına içilən limonlu su arıqlatmaz. Ancaq nizamlı bir pəhriz proqramına əlavə olaraq qəbul edilən limonlu su arıqlamağı asanlaşdırır.

Musavat.com