Nyu Cersi ştatından demokrat senator Kori Buker ABŞ Konqresinin yuxarı palatasında ən uzun çıxış etməklə tarixi rekorda imza atıb.

Musavat.com "Associated Press" (AP) agentliyinə istinadən xəbər verir ki, onun çıxışı 25 saatdan çox davam edib.

Buker çıxışına başlayarkən "Fiziki imkanlarım yetənə qədər burada qalacağam" deyib.

Qeyd olunur ki, 55 yaşlı senator, keçmiş amerikalı futbolçu 25 saat 5 dəqiqədən sonra ABŞ-ın hazırkı prezidenti Donald Trampı tənqid edən çıxışını tamamlayıb. Agentlik qeyd edir ki, çıxışı zamanı ona Demokratik Partiya üzvləri tərəfindən suallar verilib və bu, qısa fasilələr üçün imkan yaradıb.

AP-nin məlumatına görə, senator bununla da 1957-ci il Mülki Hüquqlar Aktının qəbuluna qarşı çıxan Cənubi Karolinadan demokrat senator Strom Turmondun 68 il əvvəl müəyyən etdiyi rekordu qırıb.

Musavat.com