ABŞ-ın Rusiyaya qarşı sanksiyaları Novatek şirkətinin “Arctic LNG – 2” layihəsinin xətlərində istehsal olunan yanacağın çatdırılması üçün üç Arktik gəminin - Yaponiyanın Mitsui OSK Lines (MOL) şirkətinin qaz daşıyıcılarının istifadəsinə mane olur.

Musavat.com xəbər verir ki, bu barədə Bloomberg Agentliyi məlumat yayıb.

Qeyd olunur ki, layihənin icrası zamanı Rusiya müəssisəsindən yanacağın daşınması üçün MOL-un istehsalı olan üç qaz daşıyıcısından istifadə edilməsi planlaşdırılır. Şirkətin prezidenti Takeşi Haşimoto Bloomberg-ə bildirib ki, ABŞ-ın sanksiyaları səbəbindən əldə olunan razılaşmalara uyğun olaraq “Arctic LNG 2” gəmilərini istifadəyə verə bilmir.

İlk buzqıran gəminin tikintisi bu il başa çatdırılmalıdır:

“Müqavilə öhdəliklərimiz ondan ibarətdir ki, layihə çərçivəsində nəqliyyat xidmətləri göstərə bilməsək, “Arctic LNG 2” gəmilərimizi satmalıyıq. Bununla belə, ABŞ məhdudiyyətləri var ki, biz bu müqaviləni həyata keçirməməliyik”. O qeyd edib ki, onun şirkəti “problemin həlli üçün ABŞ və Yaponiya hökumətləri ilə işləyir”.

Bloomberg-ə görə, Yapon şirkətinin gəmiləri olmasa, "zavodun tam layihə gücünə gətirilməsi çətin olacaq".

Musavat.com