Donald Tramp ABŞ prezidentliyinə seçkidə qalib gələrsə, Amerika qoşunlarının Avropadan çıxarılması potensialı Avropa İttifaqı ölkələri üçün “kabus ssenarisi”nə çevrilmək riski daşıyır.

Musavat.com xarici mediaya istinadla bildirib ki, bu mülahizə Litvanın xarici işlər naziri Qabrielius Landsbergisə məxsusdur.

“İndiki formada Avropa böyük təhlükə altındadır, qlobal sabitlik transatlantik əməkdaşlıqdan asılıdır”, - deyə siyasətçi İsveçrənin Davos şəhərində Dünya İqtisadi Forumunun iclasında Bloomberg-ə bildirib. Onun sözlərinə görə, Birləşmiş Ştatlar öz qoşunlarını Avropadan çıxarsa, Ukrayna münaqişəsini nəzərə alsaq, bu, “kabus ssenarisi” olacaq.

Musavat.com