ABŞ ordusu radarlara görünməz edəcək yeni sistemlərlə təchiz edilmiş “MQ-9 Reaper” pilotsuz uçan aparatları əldə edəcək.

“Report” TASS-a istinadən xəbər verir ki, bunu ABŞ Dəniz Piyadaları Korpusunun komandanı general Erik Smit Brukinqs İnstitutunda çıxışı zamanı deyib.

“MQ-9-a gəlincə, gizliliyi pozmasaq, o, düşmən radarından bir növ itmək qabiliyyətinə malikdir. Sadəcə bunu deyə bilərəm”, – o vurğulayıb.

Havay ştatında yaradılan Dəniz Piyadaları bölməsindən danışan general, onun ən son nəsil müşahidə avadanlığı alacağını qeyd edib.