ABŞ-ın Nyu-Meksiko ştatında lisenziyasız tibbi kurortda “vampir siması” müalicəsindən sonra üç qadına HİV diaqnozu qoyulub.

Musavat.com “The Guardian”a istinadla xəbər verir ki, federal səhiyyə rəsmiləri virusun ilk sənədləşdirilmiş hallarının iynələrlə aparılan kosmetik prosedur zamanı yoluxduğunu deyirlər.

Xəstəliklərə nəzarət və qarşısının alınması mərkəzləri, 2018-ci ildən 2023-cü ilə qədər kurortun əməliyyatları ilə bağlı araşdırma zamanı birdəfəlik avadanlıqların təkrar istifadə edildiyini aşkar edib.

Nyu-Meksikonun səhiyyə departamenti 2018-ci ilin yayında 40 yaşlarında olan bir qadının heç bir məlum risk faktoru olmasa da, HİV testinin müsbət çıxması xəbərdarlığından sonra kurortda araşdırmalara başlayıb. Qadın klinikada prosedur zamanı iynələrə məruz qaldığını bildirib.

İstintaq başlayandan sonra 2018-ci ilin payızında kurort bağlanıb və sahibi lisenziyasız tibblə məşğul olduğu üçün cinayət məsuliyyətinə cəlb edilib.

Lakin tibb mərkəzi müştərilərin diqqətli uçotunu aparmadığından bütün zərərçəkənlərin şəxsiyyətini müəyyənləşdirmək mümkün olmayıb.

Musavat.com